45ാം സംസ്ഥാന സമ്മേളനം(തിരുവനന്തപുരം)

പി.എസ്.സി. എംപ്ലോയിസ് യൂണിയൻ 45ാം സംസ്ഥാന സമ്മേളനം 2018 ജൂലൈ 13, 14 തീയതികളില്‍ തിരുവനന്തപുരം എ.കെ.ജി.ഹാളിലും, പി.എസ്.സി. പരീക്ഷാ ഹാളിലുമായി നടന്നു. ജൂലൈ 13 ന് രാവിലെ പ്രസിഡൻറ് എച്ച് .സബിത ജാസ്മിൻ പതാക ഉയർത്തിയതോടെ സമ്മേളന നടപടികള്‍ ആരംഭിച്ചു. സെക്രട്ടറിമാരായ കെ സെബാസ്റ്റ്യൻ രക്തസാക്ഷി പ്രമേയവും കെ.വി.സുനുകുമാർ അനുശോചന പ്രമേയവും അവതരിപ്പിച്ചു. സ്വാഗതസംഘം ജനറൽ കൺവീനറും യൂണിയൻ ജനറൽ സെക്രട്ടറിയുമായ എം.ഷാജഹാൻ വിശിഷ്ടാതിഥികളേയും പ്രതിനിധികളേയും സ്വാഗതം ചെയ്തു. ബഹു. വിദ്യാഭ്യാസ വകുപ്പ് മന്ത്രി പ്രൊഫ. സി.രവീന്ദ്രനാഥ് പ്രതിനിധി സമ്മേളനം ഉദ്ഘാടനം ചെയ്തു. സെക്രട്ടറി കെ.വി.സുനുകുമാർ നന്ദി പറഞ്ഞു. ഉച്ചയ്ക്ക് 2.30ന് യൂണിയൻ വൈസ് പ്രസിഡൻറ് ബി.ജയകുമാറിൻറെ അധ്യക്ഷതയിൽ നടന്ന യാത്രയയപ്പ് സമ്മേളനം ബഹു. തൊഴിൽ/എക്‌സൈസ് വകുപ്പ് മന്ത്രി സ.ടി.പി.രാമകൃഷ്ണൻ ഉദ്ഘാടനം ചെയ്തു. പി.എസ്.സി അംഗം.പി.എച്ച്.എം.ഇസ്മയിൽ, എൽഡേഴ്സ് ഫോറം പ്രസിഡൻറ് .എൻ.രാധാകൃഷ്ണൻ നായര്‍ എന്നിവര്‍ ആശംസാ പ്രസംഗം നടത്തി. യൂണിയന്‍ മുന്‍ പ്രസിഡൻറ് സ. എസ്.ജയകുമാർ, മുന്‍ സംസ്ഥാന കമ്മിറ്റി അംഗങ്ങളായിരുന്ന വി.എ.ശിവൻ, ടി.ജെ.ജോസ്, പി.എൻ.സോമരാജ്, എസ്.അജയകുമാർ എന്നിവർക്ക് യാത്രയയപ്പ് നല്കി. ജൂലൈ 14 ന് രാവിലെ മാറുന്ന തൊഴിൽ നിയമങ്ങളും പൊതു റിക്രൂട്ട്മെൻറ് സംവിധാനങ്ങളും എന്ന വിഷയത്തിൽ നടന്ന സെമിനാര്‍ ദേശാഭിമാനി ചീഫ് എഡിറ്റർ പി.രാജീവ് ഉദ്ഘാടനം ചെയ്തു. കെ.എസ്‌..കെ.ടി.യു സംസഥാന വൈസ് പ്രസിഡൻറ് സ. എൻ. രതീന്ദ്രൻ സംസാരിച്ചു. സംസ്ഥാന സമ്മേളനം താഴെപറയുന്നവരെ ഭാരവാഹികളായി തിരഞ്ഞെടുത്തു.